ILOILO CITY–Nagahilibion samtang nagahatag sang iya affidavit ang tiya sang 16 anyos nga dalagita nga ginluthang-patay sang iya stepfather sa Brgy. Buntalan, Maasin, Iloilo.
Sa exclusive interview sang Bombo Radyo kay Fatima Malificiar, iya ginpahayag nga  ila ginakasubo ang nadangatan sang iya hinablos nga si Allijah Faye Malificiar Aglibot.
Gindugang pa ni Malificiar nga wala sang kapatawaran ang ginhimo nga pagpatay ni Jerol Guillermo sa iya hinablos.
Indi naman niya mabatun nga sa isa lang kapisok nadula na ang hinablos niya nga iya ginlaragway bilang mabuot, maalam kay may puturo pa kuntani.
Suno pa kay Malificiar, ginkakibot na lang niya sang nahibaluan ang nadangatan sang iya hinablos nga si Allijah Faye Malificiar Aglibot.
Nakahibalo naman ang tiya nga ginasakit ni Guillermo ang biktima apang wala siya sang gina-uyatan nga pamatu-od.
Nagpanawagan naman ang tiya nga dapat nga mahatagan sang hustisya ang kamatayon sang 16 anyos nga hinablos.