ILOILO CITY–Ginakabig sang anay solicitior Genral nga isa lamang ka political vendetta ang ginhimo ni Presidente Rodrigo Duterte nga pagbawi sang amnestiya kay Senator Antonio Trillanes IV.
Sa interview sang Bombo Radyo kay Atty. Florin Hilbay, anay Solicitor General, ginahingabot lamang sang administrasyon si Trillanes bangud isa ini sa mga magahud nga akritiko sang Presidente.
Sunu kay Hilbay,  wala sang basehan ang Proclamation 572 nga ginpaguwa ni Presidente Duterte nagud santo sa konstitusyon, indi mahimo nga bawi-on sang Presidente ang nahatag na nga amnestiya.
Ginpa-athag ni Hilbay nga legal nga nakakuha sang amnestiya si Trillanes matapos nga ginaprubahan sang Kongreso kag sang mga korte kun sa diin may ginapangatubang nga kaso si Trillanes ang ginhatag nga ma nestiya sa iya ni Presidente Benigno ” Noynoy Aquino ” sang tuig 2010 pinaagi sa Proclamation 75.
Indi man mahimo sunu sa anay Solicitor General nga ginapaguwa lang sang gobyerno nga nadula ang application ni Trillanes kag ibalik sa puno ang pag proseso sini.
Ang malahalon sunu kay Hilbay nga may yara sang gina-uyatan nga certificate of amnesty ang senador kag sala sang gobyerno kun ngaa nadula ang application sang senador.
Yara man sa administrasyon ang burden of proof agud pamatud-an nga wala naka-apply si Trillanes sa nasambit nga programa bangud sila ang  nagakwestyon sa pihak sang mga  dokumento nga ginauyatan si Trillanes nga nahatagan siya sang amnestiya.