ILOILO CITY–Ginparaakan luthang ang punong barangay sang Aldeguer, Sara, Iloilo matapos ginapahayag nagbato sa mga katapo sang Sara Municipal Police Station kag sang Provincial Drug Enforcement Unit (PDEU) kadungan sang ginpatigayon nga buybust operation.
Sa exclusive interview sang Bombo Radyo Iloilo kay Police Senior Inspector Ascension Ortizo, hepe sang Sara Municipal Police Station, iya ginpahayag nga nabaklan nila si Punong Barangay Rex Lagura sang duha ka sachet sang suspected shabu.
Magluwas sini, nakuha pa gid kay Lagura ang dugang nga 20 ka sachet sang shabu; 2,900 pesos nga buybust money kag .38 caliber revolver.
Suno kay Ortizo, nagbato ang punong barangay sa mga otoridad sang matukiban nga poseur buyer ang iya customer.
Diri na kag ginluthang sang otoridad sa ulo, abaga, dughan kag likod si Lagura.
Gindakop man ang tiayon ni Lagura nga si Anita Lagura bangud sa consipirary ukon pagpakighimbon sa iya bana.