ILOILO CITY–May yara sang ginamonitor nga private armed groups ang Police Regional Office (PRO) 6 diri sa Iloilo.
Sa interview sang Bombo Radyo kay PRO6 Director Police Chief  Superintendent John Bulalacao nga may yara sila sang ginavalidate nga impormasyon tuhoy sa presensya sang private armed group diri sa Iloilo.
Tungud diri sunu kay Bulalacao, mas ginpabaskog pa ang kampanya kontra sa lose firearms ukon mga armas nga wala sang lisensya.
Sunu pa kay Bulalacao nga sang damlag lang, ginlusad sang kapulisan ang Oplan Tokhang batok sa loose firearms.
Makatalagam ang mga armas nga wala sang lisensya sunu kay Bulalacao bangud mahimo ini nga gamiton sa mga krimen ilabi na nga nagahilapit na ang election.
Ginhingyo man sang PRO 6 Director ang bulig sang publiko.
Ginpaandaman man ni Bulalacao ang mga riding-in-tandem criminals diri sa Region 6 nga ilisipon nalang ang ila adlaw.
Sunu kay Bulalacao nga may yara na sila sang persons of interest apang nagpamalibad naman siya nga ihingadlan sa publiko.
Ginahikot naman ang warrant of arrest batok sa natungdan nga kriminal.
Wala naman sang vigilante group diri sa Iloilo.