ILOILO CITY–Ginakabig sang director sang Iloilo City Anti Smoking Taskforce (ICAST) nga pagpangdis-og sa pwesto ang mga reklamo batok sa iya.
Sa interview sang Bombo Radyo kay Iñigo Garingalao, direktor sang ICAST, iya ginpahayag nga may mga nagapakahuya sa iya nga mga tawo agud nga mapahalin siya sa pwesto.
Halimbawa diri suno kay Garingalao amo ang mga reklamo nga ginapadala sang mga anonymous sender sa Civil Service Commission (CSC) tuhoy sa ginapahayag pagpabaya sang ICAST.
Partikular nga ginareklamo sang anonymous sender amo ang ginapahayag kurapsyon sa diin nagabaton sang kwarta ang mga ICAST personnel gikan sa mga commercial establishment nga nalapas sa Anti-Smoking Ordinance.
Ang ini nga aktu ang ginakabig sang ICAST Director nga demolition job.
Makatilingalahan suno kay Garingalao nga nagapabaya siya sa trabaho bangud nga isa siya ka hall of famer kun outstanding government employee ang pagahambalan.
Sa siyam niya katuig nga pagserbisyo, sunu kay Garinggalao nga subong pa lang ini natabo sa iya.