ILOILO CITY–Normal  lamang nga may yara sang mga job hire nga ginapahalin sa trabaho sa idalom sang General Services Office (GSO) sang Iloilo City Government.
Ini matapos ang pagreklamo sang isa ka streetweeper nga ginpahalin sa trabaho bisan nga wala man sang maathag nga rason kag ang pagsaylo sang iya voter’s registration ang sabat agud nga makabalik siya sa trabaho.
Sa interview sang Bombo Radyo kay Joren Sartorio, pinuno sang GSO, iya ginpahayag nga may pila ka mga rason nga ginabasehan sa pagpahalin sa mga job hire.
Lakip diri suno kay Sartorio amo ang kakulang sang pondo sang departamento, performance sang jobhire, numero sang empleyado sang isa ka departamento kag nakadepende naman sa approving authority nga amo ang alkalde sang syudad.