ILOILO CITY–Napasakaan na sang kaso sa ang lima ka mga suspetsado nga nagluthang-patay sa manunudlo sa Passi City.
Sa interview sang Bombo Radyo kay SPO3 Nicanor Labo, imbestigador sang Passi City Police Station, iya ginpahayag nga kaso nga murder ang ginpasaka batok sa mga suspetsado nga nagpatay kay Nicanor Labo, tag-iya sang Madison Grade School sa Brgy. Poblacion Ilawod,Passi City.
Nagpamalibad naman ang imbestigador nga ihingadlan kun sanday sin-o ang mga suspetsado.
Gindugang naman sang pulis nga may kaangtanan sa negosyo ang ginasundan nga motibo sa krimen.
Nahibaluan nga nakita na sang Passi City PNP sang footage gikan sa security camera sang malapit nga commercial establishment  sa diin nakit-an ang mga suspetsado nga sakay sa motorsiklo lakip na ang mga nagserbe lookout.