ILOILO CITY–Patay na sang nasapwan sa irigasyon ang isa ka barangay tanod sang Brgy. San Miguel, Barotac Viejo, Iloilo.
Suno kay Chief Inspector Joven Arevalo, hepe sang Barotac Viejo Police Station, ginkilala ang biktima kay Brgy. Tanod Romerico Baron, Jr.
Nagaguwa nga hubog ang biktima sang nag-agi sa irigasyon kagab-i.
Mahimo nga nakadalog anag biktima kag bangud nga nag-ulan, tuman ka baskog ang ilig sang tubig.
May yara sang mga bagras sa lawas ang biktima.
Mas makapaayo suno kay Arevalo nga ipaidalom sa autopsy examination ang bangkay.
