ILOILO CITY–Ginplastar sang Department of Public Works and Highways (DPWH) 6 ang construction plan sang drainage project sa distrito sang La Paz, Lapuz, kag City proper.
Sa interview sang Bombo Radyo kay Iloilo City Councilor Ely Estante, Chairman sang Committee on Engineering, Construction, and Public Works, iya ginpahayag ginplastar ni Engr. Mavie Gustilo sang DPWH-6 kaupod sang duha ka mga project engineer sang MGB contruction.
Ang MGB Construction suno kay Estante ang magaserbe nga kontraktor sang nasambit nga proyekto, ang plano sang patigayunon nga drainage project.
Sunu kay Estante ang nasambit nga proyekto ang makasolbar sang baha sa distrito sang Lapaz kag iban pa nga nga distrito agud nga madasig ang paghupa sang tubig baha.
Sa pihak sini, ginpahayag man sang konsehal nga kun tani tinguhaan sang kontraktor nga matapos ang proyekto agud indi man maghatag sang hu-ol sa mga pumuluyo.