ILOILO CITY–Nagcourtesy call sa opisina ni Iloilo Governor Arthur Defensor Sr ang bag-o nga franchisee sang Small Town Lottery sa probinsya sang Iloilo.
Sa interview sang Bombo Radyo kay Governor Defensor, iya ginpahayag nga nagbisita sa iya ang tiglawas sang Red Subay Corporation nga amo ang bag-o nga maga operate sang STL sa probinsya sang Iloilo.
Magasugud ang operasyon sang Red Subay Corporation sa una nga semana sang Oktubre.
Sunu sa gobernador, wala sang may ginbag-o sa pagsulundan nga ipatuman.
Ginalauman man nga paagi sa bag-o nga operator sang STL, mahaganhagan ang mga iligal nga nagapataya ukon bukis.
Gamiton naman sang Red Subay Corporation ang opisina sang Eagle Crest Gaming Corporation, ang anay franchisee sang STL sa probinsya.