ILOILO CITY–Iga-relieve man sang City Legal Office iban pa nga personnel nga nadalahig sa anomaliya sa pagdumalahan sa Iloilo City Community College (ICCC).
Sa interview sang Bombo Radyo kay Atty. Ruledo Dela Cruz, Officer-in-charge sang City legal Office, iya ginpahayag nga mahimo i-relieve sa pwesto si Engr. Renan Escolto nga admin Officer sang ICCC samtang nagapadayun ang fact finding investigation may kangtanan sa anomaliya.
Ginapahayag  nga nagawaslik poder si Escolto paagi sa pag-access sa mga official records kag documents sang buluthu-an.
Magapadayun naman sa pagtudlo si Escolto sa nasambit nga kolehiyo samtang nga wala pa sang rekomendayon batok sa iya.
Nahibaluan nga una na nagpagwa sang memorandum si Iloilo City Mayor Joe Espinosa III sang temporary relief ni  Matilde Treñas-Octavio bilang ICCC administrator kag pagre-assign sa iya sa human resource management office sa City Hall samtang nagapadayon ang fact-finding investigation sang adhoc committee.