ILOILO CITY–Temprano pa nga naghanda ang mga Overseas Filipino Workers (OFW) sa paglaslas ni typhoon Mangkhut sa Hongkong subong nga adlaw.
Sa interview sang Bombo Radyo kay Bombo International correspondent Merly Bunda direkta sa Hongkong, kahapon palang, nagpamakal na sang tingob ang mga OFW antes pa man ang paglaslas sang mabaskog nga bagyo nga mahimo maglab-ot sa singal number 8 tubtob 10.
Suno kay Bunda, indi na maggwa ang mga OFW gikan sa ila mga ubra agud nga magpamakal sang ila kinahanglanon bisan pa nga kalabanan sa mga OFW ang naga day-off kun domingo.
Gindugang man ni Bunda nga bisan ang mga employer amo mismo ang naga-engganyo sa ila nga indi na maggwa subong nga adlaw agud makalikaw sa katalagman.
Nahibaluan nga may yara sang 227,000 ka mga miembro sang Filipino community sa HongKong.