ILOILO CITY–Indi pa sa gihapon makapati ang Filipino-Malaysian matapos ginkoronahan bilang Mutya ng Pilipinas Tourism Queen of the Year International sa coronation night sa Mall of Asia Arena sa Pasay City.
Sa exclusive interview sang Bombo Radyo Iloilo kay Kheshapornam Ramachandran, iya ginpahayag nga iya ginahalad ang korona sa iya pamilya kag mga kaangay sini nga ilonggo nga nagapati sa iya abilidad.
Ang 18 anyos nga si Ramachandran ang estudyante sang Iloilo City National High School kag pumuluyo sang Bo. Obrero, Lapuz, Iloilo City.
Nakahampang naman si Ramachandran sa Palarong Pambansa sa diin apisar nga isa sya ka Beauty Queen, ginpamatud-an niya nga makasarang siya nga mangin varsity sang basketball nga kilala nga hampang sang mga lalaki.
Si Ramachandran ang mangin tiglawas sang Pilipinas sa Miss Tourism Queen of the Year International 2018 nga patigayunon sa China sa maabot nga Nobyembre.
Nahibaluan nga ginkoronahan man bilang Mutya ng Pilipinas-Asia Pacific International 2018 si Sharifa Akeel sang Sultan Kudarat, Mutya ng Pilipinas-Tourism International 2018 si Aya Fernandez sang Taguig; Mutya ng Pilipinas-Global Beauty Queen 2018 si Pauline Amelinckx sang Bohol kag Mutya ng Pilipinas-Overseas Filipino Communities 2018 si Jade Roberts.