ILOILO CITY–Ginransak ang Treasurer kag Accounting Office sang banwa sang New Lucena, Iloilo.
Sa interview sang Bombo Radyo kay SPO3 Rodel Unahag, imbestigador sang New Lucena Municipal Police Station, iya ginpahayag nga ginkuha sang makawat ang duha ka panel sang jalousie window rason nga nakasulod sa opisina.
Sunokay Unahag, nakakuha sang P105 ang makawat sa Treasurer’s Office samtang P340 naman sa Accounting Office.
Gindala man sang suspetsado ang duha ka laptop nga ginapanag-iyahan sang banwa nga nagabalor sang P60,000.
Dako naman ang pagpati sang pulis nga tumandok sang New Lucena ang suspetsado.
Ginapa-usisa naman ang kuha sang Close Circuit Television (CCTV) sa lugar agud makilala ang suspetsado.