ILOILO CITY–Nabuhinan ang kasakit nga nabatyagan sang pamilya sang Ilonggo Overseas Filipino Worker nganasapwan ng tul-an sa septic tank sa South Korea.
Ini matapos nga nadakpan na sang Crime Investigation and Detention Group (CIDG) ang isa sa mga suspetsado sa pagpatay kay Michael Angelo Claveria sang Barangay Poblacion Rizal Ilawod, Cabatuan, Iloilo.
Sa exclusive interview sang Bombo Radyo Delia Abella, utod sang biktima, iya ginpahayag nga ginkuhaan na sang statement ang suspek nga si Yugoslav Magtoto nga tumandok sang Pampanga.
Sunu kay Abella, sa tion nga mapamatud-an nga si Magtoto ang nagpatay sa iya nga utod daku gid ang ipasalamat sang ila pamilya.
Dugang pa ni Abella, nalipay ang ila nga pamilya bangud may development na ang kaso sang iya nagtaliwan nga utod.
Matandaan nga ang tul-an ni Claveria ang nasapwan sa sulod sang septic tank sa factory sa Hwaseong, Gyeonggi Province ang lugar sa diin siya ang nagatrabaho.
Si Claveria ang nareport nga missing duha ka tuig ang nagligad kag sang Abril lang sini nga tuig nakuha ang iya tul-an sa septic tank.