ILOILO CITY–Patay ang driver sang elf truck matapos magbunggo sa Ceres bus sa Brgy. Aldeguer, Sara, Iloilo.
Ang biktima ang ginkilala kay Rogie Heralde Lozada sang Pilar, Capiz.
Sa interview sang Bombo Radyo kay  Ylon Aspera, isa sa mga nakakita sa aksidente, iya ginpahayag nga nagasundanay ang Ceres bus, tricycle kag ang elf truck.
Nag over-take ang tricycle sa nauna nga Ceres Bus apang mas nauna nga nagbahar ang elf truck kag nakabunggo sa nagapadulong nga Ceres bus.
Ang elf truck ang nagbunggo naman sa ginasundan nga tricycle kag isa pa gid ka Ceres bus.
Ginpahayag ni Aspera nga nakita gid niya nga nagtabog ang driver sang elf sa diin ang truck ang nagwarik sa pabalik nga direksyon bangud sa kabaskugon sang pagbunggo sini sa nasumalang nga Ceres Bus.
Ginpahayag dugang sang witness nga mahimo nga una nga naglampos sa karsada ang ulo sang biktima nga mahimo gintunaan sang iya kamatayon.
Samtang, suno naman kay Police Senior Inspector Asencion Ortizo, hepe sang Sara Municipal Police Station, kumpirmado nga dead on the spot ang driver sang truck.
Ang iban naman ang mga sakay sang ceres bus kag sang tricycle ang naka-angkon sang pilas sa lawas.
Mahimo suno kay Ortizo nga wala naka seatbelt ang driver sang truck rason nga nagtabog sa karsada.