ILOILO CITY–Ginpabugal ni Passi City Mayor Jesry Palmares ang Green Green Green Award nga isa pa gid ka pasidungog nga ginhatag sang Department of the Interior and Local Government (DILG).
Sa interview sang Bombo Radyo kay Paalmares, iya ginpahayag nga ang pasidungog ang ginahatag sa tanan nga mga siyudad nga nakapasa sang mga requirement sa trans programs kag projects.
Sunu kay Palmares, ang nasambit nga award ang may cash incentive nga P48 billion nga budget sa pagpatukod sang Eco and Science Park para sa kabataan kag mangin isa man sa mga attraction sa siyudad.
Lakip sa mga amenity nga mahimo makit-an sa Eco Park amo ang interactive museum, bike lane, walk lane kag skateboard lane.
Ini ang proyekto ang ginapaabot nga matapos sa sulod sang anum tubtub walo ka bulan.
Nahibaluan nga ang Passi lang ang nagaisahanon nga syudad sa Western Visayas nga nakabaton sang nasambit nga award.