ILOILO CITY–Madamo sang anggulo nga ginatun-an ang Philippine National Police (PNP) sa nagakatabo nga bomb threat sa mga eskwelahan sa syudad sang Iloilo.
Sa interview sang Bombo Radyo kay Police Superintendent Joem Malong, taggambal sang Police Regional Office (PRO) 6, iya ginpahayag nga lakip sa mga motibo nga ila ginatun-an amo ang political, insurgency kag prank.
Nagpanawagan man si Malong sa mga pamunuan sang mga eskwelahan nga mag aligmat kag mas hugtan ang ila seguridad agud indi mabiktima sang pagpangbomba.
Sa subong, padayon ang ginahimo nga monitoring sang PNP  agud matumod ang utok sang nasambit nga mga pagpamahog.
Samtang, gin athag man ni Malong nga wala sang kahilabtanan sa “Red October Plot” ang nasambit nga bomb threat.