Pamilya, ginkumpirma nga may deperensya sa panghuna-huna ang suspetsado sa asud-asud nga bomb threat sa syudad sang Iloilo

ILOILO CITY–Ginkumpirma sang pamilya nga may yara sang deperensya sa panghuna-huna ang 28 anyos nga suspetsado sa pagpadala sang asud-asud nga bomb threat sa University of San Agustin sa General Luna Street Iloilo City.
Sa interview sang Bombo Radyo kay Carmen Tuquib, tiya sang suspek nga si Alyas Vic, iya ginpahayag nga natukiban nga may yara sang deperensya sa panghunahuna ang iya hinablos nga naga-edad pa lang sadto sang lima ka tuig.
Ginpahayag sang tiya nga mainabyanon ang iya hinablos apang madali nga mamutikan nga may special need si Alyas Vic.
Dugang pa ni Tuquib, wala sang cellphone ang iya hinablos apang may yara lamang sang laptop.
Ginpahayag nga nagapanilag lamang ang iya hinablos agud nga makahibalo sa paggamit sang facebook.