ILOILO CITY–Nagpaandam si Police Regional Office (PRO) 6 Director Police Senior Superintendent John Bulalacao sa mga  pulis nganagawaslik poder.
Sa interview sang Bombo Radyo kay Police Superintendent Joem Malong, taghambal sang PRO6 , iya ginpahayag nga nagpaandam si Bulalacao nga indi pag gamiton ang poder agud magpangilkil, mag-abusar, magpaggamit sa pulitiko, mag-intra sa iligal nga buluhaton kag iban pa nga malain nga mga katuyuan.
Sunu kay Malong, ginakabig nga degrading ukon pagpakanubo sa imahe sang mga kapulisan ang paggamit sang uniporme sang sa tion nga mag-ubra ini sang mga malain nga butang.
Samtang, wala pa sunu kay Malong sang napalab-ot nga report sa opisina sang PRO6 may kaangtanan sa isyu, apang ila ginapaabot nga kuntani wala sang kasubong nga report nga magalab-ot sa ila.