ILOILO CITY–Wala pa natumod ang mga suspetsado sa pagluthang-patay sa barangay tanod sang Calubihan, Jaro, Iloilo City.
Sa interview sang Bombo Radyo kay Police Chief Inspector Tranquilino Querubin, hepe sang Jaro Police Station, iya ginpahayag nga duha ka mga suspetsado nga nakasakay sa motorsiklo amo ang nagpatay kay Brgy. Tanod Niel Resma sang nasambit nga lugar.
Sa pagkamatuod suno kay Querubin, nadala sa listahan sang High Value Target sang Mandurriao Police Station si Resma.
Ini bangud nga sang una, sa Brgy. Bakhaw, Mandurriao, naga-istar ang biktima.
Nakapaidalom naman sa rehabilitation program si Resma suno kay Querubin.
Nagapati ang hepe nga donwline sang Prevendido Drug Group si Resma.
Magluwas sa illegal drugs, isa man sa ginalantaw nga motibo sa krimen amo ang may kaangtanan sa trabaho ni Resma bilang Barangay Tanod sang Calubihan, Jaro.