ILOILO CITY–Nagapati ang pamilya sang mag-amay nga ginpatay sa Brgy. Cabantohan, Lemery, Iloilo nga himata man lang ang nagpatay sa mga biktima.
Sa interview sang Bombo Radyo kay Kenneth Peñalosa, utod sang biktima nga si Dexter Wayne, iya ginpahayag nga ila ginadudahan nga si Rey Destacamento sang Brgy. Improgo, Sara, Iloilo amo ang nagpangamot sa krimen sa diin mangin ang anak ni Dexter Wayne nga si Brett Peñalosa nga naga edad sang duha ka tuig ang napatay man.
Suno kay Kenneth, may daan na nga hiligut-anon ang suspek kag ang biktima.
Ginpahayag sang natungdan nga pulo na ka tuig ang naligad, gintuyo nga patyon ni Peñalosa si  Destacamento.
Sa baylo nga si Destacamento ang mapatay, ang ila tiyo ang naigo kag napatay.
Napilasan man si Destacamento kag didto nag umpisa ang kaakig niya sa biktima.
Napreso naman si Peñalosa sang duha ka tuig bangud sa pagpatay sa iya tiyo.
Dugang pa ni Kenneth, masami nga makabaton ang iya nga magulang sang pagpamahog sa kabuhi.
Nahibaluan nga si Kenneth ang isa sa mga witnesses nga magatindog sa kaso nga ipasaka sang asawa ni Dexter nga si Lynn Peñalosa.