ILOILO CITY–Nagasinggitan sang hustisya ang pamilya sang mag-amay nga ginluthang-patay sa Brgy. Cabantohan, Lemery, Iloilo.
Sa exclusive interview sang Bombo Radyo kay Lynn Peñalosa, iya ginpahayag nga indi niya mabaton ang natabo nga pagpatay sa iya bana  nga si Dexter Wayne Peñalosa kag duha ka tuig nga anak nga si Brett Peñalosa, pumuluyo sang Brgy. Improgo, Sara, Iloilo.
Suno sa natungdan, kuntani wala lang gindalahig ang iya anak sa krimen.
Ginatudlo naman ni Lynn nga utok sa pagpatay sa iya bana amo ang ila himata nga si Rey Destacamento nga ila man lang kasimaryo.
Si Destacamento suno kay Lyyn ang gintuyo sadto nga patyon sang iya bana nga si Dexter Wayne.