ILOILO CITY– Nagapangasubo ang pamilya sang manunudlo nga ginpatay sa Passi City bangud sa kahinay sang paghatag sang hustisya sa ila napatay nga himata.
Sa interview sang Bombo Radyo kay Purisima Labo, iloy sang ginpahayag nga manunudlo nga si Nicanor Labo sang Brgy. Aglalana, Passi City, iya ginpahayag nga kasubong nga nadulaan na sila sang paglauam nga makuha ang hustisya.
Ini bangud nga tubtub subong, wala man sila sang nahibalu-an nga update ukon development sa kaso.
Suno kay Labo, kasubong nga buron sa gihapon ang imbestigasyon sa kaso.
Suno sa iloy, wala sang kaaway ang iya bata nga si Nicanor.
Tuman ka pisan nga sahi sang manunudlo ang biktima sa diin pamatuod diri amo ang napondar nga eskwelahan sang iya bata.
Luyag sang pamilya nga mahibalu-an ang identity sang tanan nga mga suspek nga nagpatay sa manunudlo.
Ginkumpirma naman sang iloy nga nagbulagay na ang biktima kag ang tiayon apang nagpamalibad si Labo nga ihingadlan ang rason.
Nagahingyo ang pamilya sa otoridad nga kaayuhon ang imbestigasyon sa kaso.