Bangkay sang lalaki, nasapwan sa idalom sang taytay sa Mandurriao, Iloilo City

ILOILO CITY–Isa ka lalaki ang nasapwan patay sa idalom sang taytay sa Diversion Road, Mandurriao, Iloilo City.
Sa interview sang Bombo Radyo kay Bernardo Atenan, ang nakakita sa biktima, iya ginpahayag nga masami makit-an ang biktima sa taytay nga nagapamunit.
Ang biktima ang maitom, nakasuksok sang duag itom kag yellow nga t-shirt kag duag kaki nga maong shorts.
Ginabanta nga nagaedad sa 60 tubtob 65 anyos ang biktima kag ginapahayag pumuluyo sang Barangay Bakhaw, Mandurriao, Iloilo City.
Wala naman sang may nakit-an nga pilas sa lawas sang lalaki.
Ginapahayag masobra dose na ka oras nga nagalutaw ang bangkay.