ILOILO CITY–May ginasundan na nga anggulo ang mga otoridad sa pagpangbuno nga natabo sa balay sang mga negosyante sa Brgy. San Antonio, Molo, Iloilo City.
Sa interview sang Bombo Radyo kay Police Chief Inspector Marlon Valencia, hepe sang Molo Police Station, iya ginpahayag  nga lakip sa mga motibo sa krimen amo ang robbery.
Suno kay Valencia, nagapa-utang sadto ang napatay nga lola nga si Teresita  Tagresa 74 anyos.
Sa subong, may kaugalingon nga tyangge ang biktima sa diin ginapatihan nga nagpangawat ang mga suspek.
Nakit-an suno sa hepe nga naga inukay pa ang mga gamit sa sulod sang tyangge sang biktima nga isa sa mga nagapabaskog sa anggulo nga ginkawatanang pamilya.
Ginapangita pa ang isa sa mga suspek sa krimen  matapos nga una na dakpan si Rene Diocos Jr. sang Brgy. Compania Central, Molo, Iloilo City kag 3rd year Electrical Technology Student sa isa ka unibersidad sa La Paz, Iloilo City.