ILOILO CITY–Nagpasalamat ang Police Regional Office (PRO) 6 sa tanan nga mga nagbug-os sang composite team matapos ang madinalag-on nga raid sa balay sang pamilya Salcedo sa Sara, Iloilo.
Sa press conference, ginpahayag ni Police Chief Superintendent John Bulalacao, director sang PRO6, nga iya gin nga ginadayaw ang kaisog sang 300 ka mga operatiba nga nagbug-os sang operating team.
Ginpahayag dugang ni Bulalacao nga  ang natabo sa pamilya Salcedo ang kuntani magserbe nga leksyon sa tanan nga mga naangot sa pag-organisa sang private armed groups, pagpamahog, pagwaslik poder sa tion sang eleksyon kag paghimu sang krimen.
Kadungan sini, matigda nga ginpahayag ni Bulalacao nga may masunod pa nga police operations nga patigayunon.
Ginpahayag man sang PRO6 director nga ila lang nga ginasunod ang mandu sang PNP Chief nga tapnaon ang pagdata sang private armed groups kag sa pagsiguro nga mangin malinong ang patigayunon nga eleksyon.