ILOILO CITY–Yara na sa maayo nga kahimtangan ang isa ka Pinay domestic helper nga ginmaltrato sang amo sa Hong Kong.
Sunu kay Bombo International Correspondent Merly Bunda, iya ginpahayag nga luwas na sa katalagman si Lyn Jocto, 37-anyos nga tumandok sang Leyte matapos nga ginmaltrato sang mapintas nga employer.
Ang biktima nga DH suno kay Bunda ang ginapatulog sang employer sa banyo; wala ginapakaon sang maayo kag ginapatrabaho sang tuman.
Dugang pa ni Bunda, ginplanuhan man si Jocto nga kalbuhon sang amo kag ginpreso pa sa banyo.
Nagpalagyo si Jocto sa iya employer kag nagpangayo sang bulig sa iban nga Filipino sa Hong Kong.
Nadulaan naman sang pangalibutan si Jocto samtang ginakuhaan sang pahayag sang Hong Kong Police.