ILOILO CITY–Wala pa nahibalu-an ni Sara Mayor Ermelita Salcedo kun pila ang balor sang mga nagkaladula nga gamit sa ila balay kadungan sang pagserbe ang search warrant.
Sa interview sang Bombo Radyo kay Mayor Salcedo, iya ginpahayag nga may pila ka gamit sa ila balay nga nagkaladula.
Lakip na diri suno kay Mayor Salcedo amo ang monitor sang CCTV nga nahamtang sa iya kwarto, cable box, mga cellphone sang iya bata kag apo, alahas kag kwarta.
Wala lang napiho sang alkalde kun pila ang balor sang mga nakuha nga gamit sa ila.
Sa pihak sini, wala pa sang lihok ang pamilya Salcedo nga magpasaka sang nagakaigo nga kaso batok sa mga pulis nga nagserbe sang search warrant.