ILOILO CITY–Nakilala na ang lalaki nga nasapwan patay sa idalom sang taytay sa Diversion road, Mandurriao, Iloilo City.
Ang biktima ang ginkilala nga si Jose Lavadia, 57 anyos, kasado kag residente sang Locsin. Subd., Quartero, Jaro Iloilo City.
Ang biktima ang positibo nga ginkilala sang iya tiayon  nga si Julie  Lavadia.
Santo sa tiayon, nagkadto pa sa ila ancestral home sa Brgy. Capuling, Dueñas,  Iloilo ang iya bana bag-o nasapwan nga patay.
Ginkakibot naman sang tiayonkun ngaa wala nakapauli ang iya bana.
Masami naman suno sa iya nga nagalakat-lakat sa esplanade ang biktima.
Ginkompirma man niya nga may high blood kag may sakit sa tagipusuon ang biktima nga isa man sa ginatan-aw nga rason sang kamatayon ni Lavadia.