ILOILO CITY–Nadakpan na ang susepk nga nagluthang-patay sa isa ka manunudlo sa Passi City.
Sa interview sang Bombo Radyo kay Police Supt. Arturo Fullero, hepe sang Passi City Police Station, iya ginpahayag nga  ang gunman nga nangamot sa pagtay sa biktima nga si Nicanor Labo sang Brgy. Aglalana, Passi City, ang ginkilala nga si Marjun Barojabo, 25 anyos sang Brgy. San Andres, San Rafael Iloilo.
Pahayag pa ni Fullero, nasiplatan ang suspek sa banwa sang San Rafael kag gilayon nga ginserbehan sang warrant of arrest sa kaso nga murder.
Indi pa mapat-od sang otoridad kun ano gid ang palangabuhian sang suspek nga si Barojabo.
Nahibaluan nga sang tinalikdan nga Agosto 24, gintiro sang grupo ni Barojabo nga nakasakay sa motorsiklo si Labo sa Simeon Aguilar Street, Poblacion Ilawod, Passi city.
Nakaangkon naman sang pilas sa tiil, hita, butkon kag tyan si Labo a kag gindala pa sa Iloilo Doctors hospital apang sang Agosto 28 sang aga, ginbawian sang kabuhi ang biktima.
Ginapatihan nga away sa negosyo ang rason sa pagluthang-patay sa manunudlo.
Ginapangita pa sang otoridad ang iban pa nga kaupdanan ni Barojabo.