ILOILO CITY–Nagpanumpa na ang 200 ka mga lifeguards nga ginhanas sang special operation force sang Philippine Coast Guard (PCG).
Sa interview sang Bombo Radyo kay Lt. Commander Ramil Palabrica, taghambal sang PCG-6, iya ginpahayag nga nagpanumpa na ang 200 ka mga lifeguard nga magaduty sa Boracay.
Ini ang ginalakipan sang mga gin-hanaas gikan sa tagsa ka resort.
Pahayag pa ni Palabrica, ang 200 kag sila ang magaresponde sa tion nga may yara sang kaso sang pagkalumos ukon iban pa nga maritime incidents.
Ginhanas naman sa bahin sang pagsalbar sang mga nagkalalumos, life saving kag basic CPR ang mga lifeguard.
Magluwas diri, may yara man nga oil spill scenarios kag maritime intradiction.
Samtang, ginpahayag man sang opisyal nga nakigbahin sila sa capability demonstration nga ginpatigayun sa isla sang Boracay kaupod nila ang Philippine National Police (PNP), Philippine Army, kag Boracay Action Group.