ILOILO CITY–Nagpanugyan ang barangay officials sang Sitio Malipayon, Barangay MH Del Pilar, Jaro, Iloilo City sa mga pumuluyo nga mangin alisto ilabi na kun may sunog.
Ini matapos nga tatlo ang patay samtang pila naman  ka mga balay  ang nasunog sa nasambit nga barangay.
Sa interview sang Bombo Radyo kay Punong Barangay Larry Palomo sang nasambit nga alugar, iya ginpahayag nga nagakadapat nga mangin mahinalungon ang mga pumuluyo bangud fire prone area ang lugar.
Dugang pa ni Palomo, ang appliances nga wala man ginagamit ang kinahanglan nga kuhaon sa saksakan.
Magluwas diri, ang mga kandila nga ginsindihan ang nagakadapat man nga patyon kun indi man lang masigurado nga mabantayan.
Nahibaluan nga tatlo ang napatay sa sunog lakip na ang lola kag duha ka mga apomatapos ang nagluntad nga sunog.