ILOILO CITY–Tuman ang kalipay nga nabatyagan ni Senador Loren Legarda sa nangin desisyon sang Election Registration Board (ERB) sang Antique nga nagapahanugot sa iya nga magkandidato sa pagkakongresista sa nasambit nga lugar.
Ini matapos nga ginpasakaan ang Senadora sang disqualification case sang duha ka kasumpong sa pagka Congressman nga sanday anay Antique Gov. Exequiel “Boy Ex” Javier kag Atty. Boy Robin Rubinos.
Sa interview sang Bombo Radyo kay Sen. Lergarda, iya ginpahayag nga nagpabor sa iya ang ERB gani tuman gid ang iya nga pagpasalamat sa Commission on Elections (Comelec), Local Registrar kag sa Department of Education (DepEd).
Suno kay Sen. Legarda, napamatud-an niya nga tumandok siya sang Pandan, Antique.
Ginpanindugan man sang Senadora nga wala sang mangin upang sa iya nga pagkandidato bilang kongresista sa  Antique.
Una na nga nagpanawagan si Javier sa senadora nga mag-atras na lang bilang kongresista sa Antique.
Ini bangud nga ang Senadora ang pumuluyo sang Malabon City kag indi sa Pandan, Antique.