ILOILO CITY–Nagahilibion ang isa ka ambulant vendor matapos nga na sideswipe sang pribado nga salakyan sa City Proper.
Sunu sa mga witness, nagapadulong sa bahin sang Iloilo Provincial Capitol ang manugbaligya sang mani, chicharon kag balot.
Nagpondo ang manugbaligya matapos gintawag sang grupo sang kalalakihan nga naga-inom sa isa ka balay ilimnan agud nga magbakal.
Hinali lang nga gindalasa sang isa ka Mitsubishi Strada nga kotse ang manugbaligya.
Wala sang naagum nga pilas ang biktima apang naglinapta sa dalan ang iya dala nga baligya.
Sunu naman sa driver sang salakyan nga nagpahinago lang sang pangalan, sa tion nga yara sa dalan, indi gid malikawan ang disgrasya.
Sa pihak sini, ginpahayag sang natungdan nga bayaran na lang niya ang nauyang nga baligya sang ambulant vendor.