ILOILO CITY–Patay ang lalaki nga manug-ihaw sang baboy matapos mahulog sa kanal ang ginasakyan nga motorsiklo nga may karga nga baboy sa Zarraga, Iloilo.
Ang biktima amo si Ricardo Balbon, 30 anyos sang Melliza St., Poblacion Ilawod, Zarraga, Iloilo.
Sa interview sang Bombo Radyo kay P/Insp. Rey Pueyo, hepe sang Zarraga Municipal Police Station, iya ginpahayag nga padulong kun tani ang biktima sa slaughterhouse sa amo man nga banwa sang natabo ang aksidente.
Nahulog ang motorisklo sa kanal sa diin natabunan pa ang biktima sang iya motorsiklo kag karga nga baboy.
Ginhingagaw pa kun tani si Balbon nga madala sa ospital apang gindeklarar nga Dead on Arrival.