ILOILO CITY–Normal lamang ang balasahay sa hanay sang Philippine National Police (PNP).
Ini ang kasunod sang pag-relieve sa pwesto kay Police Chief Inspector Reymond Celoso nga wala pa lamang nagdugay nga nagserbe nga hepe sang Guimbal Municipal Police Station tal-os kay Police Senior Inspector Antonio Monreal Jr.
Sa interview sang Bombo Radyo kay Police Chief Inspector Remy Alavaren, hepe sang Guimbal Municipal Police Station, iya ginpahayag nga masami gid man nga may nagakatabo nga re-shuffling sa mga police personnel.
Ginpahayag dugang ni Alavaren nga lakip sa mandu nga ginpahayag sa iya amo nga padayunon ang opersyon sang nasambit nga police station kag ipabilin ang peace and order sa banwa sang Guimbal, Iloilo.
Indi man madula suno kay Alavaren ang pamahog gikan sa rebelde nga grupo apang iya ginpasalig nga nakahanda sila 24/7.
Nahibalu-an nga una na nga ginpahayag ni Iloilo Police Provincial Office (IPPO) Director PSSupt. Marlon Tayaba nga indi man magdugay si Alavaren bilang hepe bangud sa iya pag-apply sang promotion.