ILOILO CITY–Matanda ang nagtiro sa pinuno sang Amazona Brigade nga si Mercedes “Ging-Ging” Nava.// Ini matapos patay si Nava upod si Edwin Fontillas alyas Erwin matapos gin-ambush sa Brgy. Calajunan, Mandurriao, Iloilo City samtang sakay sa Mitsubishi Strada.
Sa interview sang Bombo Radyo kay Police Superintendent Hilarion Roga, pinuno sang Scene of the Crime Operatives (SOCO), iya ginpahayag nga mahimo nga gun for hire ang nagtiro kay Nava bangud sa naangkon nga pilas sa dughan kag ulo sang biktima samtang ginapahayag nga sa dughan man ang igo ni Fontillas.
Santo sa nakuha nga recoveries sa crime scene, may yara sang pito ka basiyo sang .45 caliber pistol kag may lima ka fired bullet ukon balinis.
Mahimo nga naulamid lang sa krimen si Fontillas nga nagapungko sa front seat sang salakyan.
Isa sa mga nagpabaskog sa amo nga motibo amo nga lunsay sa driver’s seat ang igo sang salakyan kun sa diin nagapungko si Nava.
Sa subong suno kay Roga, ila nga usisaon ang nakuha nga cellphone sang mga biktima agud nga makakuha sang lead sa kaso kag makilala ang duha ka mga suspek.
Nahibalu-an nga si Ging-Ging Nava ang pakaisa ni Iloilo City Councilor Plaridel Nava kag nangin kontrobersyal matapos ginbulgar ang anomaliya sa signature campaign batok sa Panay Electric Company (PECO) sang damlag lang.
Lakip sa mga gintumod niya nga utok sang pagpameke sang pirma amo sanday Dra. Gold Gonzales, Councilor Nava, Councilor Joshua Alim kag Presidential adviser for Western Visayas Jane Javellana.