ILOILO CITY–Nagpaandaman ang Police Regional Office (PRO-6) nga mahimo nga dakpon kag presuhon ang mga pulitiko nga may police escort.
Sa interview sang Bombo Radyo kay P/Supt. Joem Malong, taghambal sang PRO-6, iya ginpahayag nga indi lamang ang mga pulitiko ang mahimo nga mapreso kundi lakip na ang police escort kag ang hepe nga naghatag sang authority.
Suno kay Malong, mahimo lamang nga maka-apply sang police escorts ang mga incumbent politicians.
Ang mga magakandidato naman para sa May midterm elections ang mahimo nga maka-apply sa PRO-6 sang private security nga magahalin naman sa security agency.
Dugang pa niya, ipa-idalom pa sa threat assessment ang mga maga-apply sang escort sa diin desisyonan pa sang pulis kun bala kinahanglanon gid man ang police escort ukon indi.
Nagpanawagan naman si Malong sa publiko nga kun may makita nga may police escort ang pulitiko, kuhaan gid sang laragway kag ireport sa police station.