ILOILO CITY–Bukas sa tanan nga mga mahuyugon magkuha sang picture ang  Photo Contest sa Dinagyang Festival 2019.
Ang photo contest ang natunga sa duha ka mga category sa diin ini ang ginalakipan sang Ati Category kag Festival Category.
Sa Ati Category, mahimo nga makakuha sang laragway sa Dinagyang Ati Tribes competition samtang s Festival category naman, mahimo nga magkuha sang laragway sa tanan nga aktibidad sa bilog nga selebrasyon sang Festival kasubong sang Fluvial Parade, Parade of Lights kag iban pa nga aktibidad sang Dinagyang Foundation magluwas sa Ati Tribe competition.
Suno kay Antonio Rojas, Photo Contest committee chairman, ang deadline sang pagpasa sang pictures ang natalana sa  Pebrero 6, 2019 alas 5:00 sa hapon sa Philippine Red Cross.
Magabaton sang P50,000 pesos ang champion sa Ati Category samtang P25, 000 naman ang mabaton sang champion sa Festival Category.
Gin-athag naman ni Rojas nga indi mahimo magamit sang mga cellphone camera kag tablets ang mga magapasakop sa Photo Contest.