Mga deboto, aga pa nga nagdagsa sa Jaro Cathedral sa kapiyestahan ni Nuestra Señora de la Candelaria

ILOILO CITY–Aga pa nga nagdagsa ang mga deboto agud nga magtambong sa misa Jaro Metropolitan Cathedral may kaangtanan sa pista ni Nuestra Señora de la Candelaria subong nga adlaw, Pebrero 2.
Ang iban sa mga deboto ang naghalin pa sa malayo nga lugar kag nagpadulong sa syudad agud magtambong sa kapiyestahan sang Candelaria nga ginapatihan isa ka milagroso imahe.
Kalabanan ang nagdala sang mga religious item agud nga pabendisyunan kadungan sang misa.
Napuno sang sumilimba ang simbahan sa pihak sang nagalapta nga fake news tuhoy sa presensya sang Islamic State of Iraq and Syria (ISIS) sa syudad sang Iloilo.
Hugot naman nga seguridad ang ginapatuman sa palibot sang Jaro Plaza kag Jaro Metropolitan Cathedral.