ILOILO CITY – Tama ka malahalon ang debate agud nga mahimulbulan sang botante ang mga pulitiko nga nagakadapat nga botohon sa eleksyon.
Sa interview sang Bombo Radyo kay Prof. Raymond Flores, manunudlo sa West Visayas State University (WVSU) Social Science Department kag anay coach sang WVSU debating team, iya ginpahayag nga ang debate ang isa ka pamaagi agud nga mahibalu-an sang publiko kun ano ang panindugan kag ang kaalam sang mga kandidato.
Magluwasdiri, ang debate ang nagahatag sang patas nga kahigayunan para sa tanan nga kandidato nga makapangampanya sa mga botante.
Ang resulta sang eleksyon suno sa natungdan ang nagapakita kun ano nga sahi sang botante may yara ang Pilipinas.
Ginpahayag man ni Flores nga magluwas sa ‘entertainment purposes’, may yara man sang ‘informative purposes’ ang debate.
Sa pihak sini, ginatahod naman ni Prof. Flores ang iban nga mga kandidato nga nagapamalibad nga magpakigbahin sa debate bangud nga may yara man sila sang rason.
