Nagapangatubang sang kaso nga Attempted Rape kag Serious Physical Injuries ang 19 anyos nga solterito matapos gintuyo nga himuslan ang 24 anyos nga beauty queen sa Mina, Iloilo.
Sa interview sang Bombo Radyo kay Manang Neneng, iloy sang biktima, iya ginpahayag nga nagakatulog sa gina-arkilahan nga boarding house ang iya anak sang ginsulod sang suspek agud kun tani nga himuslan.
Ginapahayag nga nagakatulog sa sala ang biktima sang iya nabatyagan nga may yara sang nagsampaw sa iya.
Bangud sini, gilayon nga nagbangon ang biktima agud nga magbato sa suspek nga isa ka apa.
Bangud sini, ginsapote sang suspek ang biktima agud nga indi na makapangayo sang tabang sa mga kasilingan.
Bag-o pa man nadulaan sang pangalibutan ang dalaga, nakasinggit pa ini sang tabang rason nga gilayon nga nagresponde ang mga kasilingan kag nadakpan ang suspek.
Mahimo suno sa iloy nga nag-agi sa bintana sang boarding ang suspek agud nga makasulod.
Desidido naman ang pamilya sang biktima nga pasakaan sang kaso ang suspek.
