Nagpaathag ang pinuno ang Committee on Appropriations sang Iloilo Provincial Government tuhoy sa ginpatigayun pag-usisa sa mga nabilin nga mga department.
Sa interview sang Bombo Radyo kay Liga ng mga Barangay President kag Ex Officio member Dorothy Paes, iya ginpahayag nga ang nabilin ang makabig magagmay lang nga mga opisina kag nagpresenta lang sila sang ila tagsa ka budget.
Suno kay Paes, isa sa mga rason kun ngaa madugay nga natapos ang pag-usisa sang mga nauna nga opisina bangud may yara sang nakita nga mga descripancies kag nadiskubrehan nga mga un-utilized fund.
Gin-athag man ni Paes nga wala nila ginapamulitika ang 2019 annual budget sang probinsya. Ginpahayag man niya nga ginahulat nalang nila nga makapasa sang utilization report ang mga departments agud mapadasig nila ang budget.
Tinguhaan naman sang Commitee on Appropriations suno kay Paes nga makapresentar sang report sa masunod nga semana.
