ILOILO CITY–Wala sang may nabaton ang kampo ni Iloilo City Mayor Jose Espinosa III nga kopya sang compormised deal ni Iloilo City Councilor Plaridel Nava tuhoy sa wala pa sa gihapon maswelduhan nga mga job hire sang Iloilo City Government.
Ini matapos ang ginpatigayon nga legislative inquiry kun sa diin ginduso ni Nava kay Iloilo City Treasurer Jinny Hermano nga hatagan sang sweldo ang mga job hire kabaylo sang pagduso kay Espinosa nga ibalik ang pangalan sang City Treasurer kag sang City Budget Officer nga magapirma sa job order.
Sa interview sang Bombo Radyo kay Iloilo City Adminstrator Atty. Hernando Galvez, iya gainpahayag nga wala pa siya ukon si Mayor Espinosa sang
may nabaton nga kopya sang nasambit nga compromised deal gikan kay Nava nga chairman sang Committee on Appropriations.
Sa pagkamatuod suno kay Galvez, wala sang legal nga basehan ang ginaduso nga Nava magluwas lang kun may yara sang bag-o nga addendum nga ginpaguwa.
Magluwas diri, ginpahayag ni Atty. Galvez nga indi niya luyag nga pangunahan ang alkalde sa pagdesisyon.
Kadungan sini, ginpahayag man sang City Administrator nga wala sang tinaga nga ‘excess job hire’ bangud nga indi matuod nga nagasobra ang job hire sa City Government.
Ginakabig ni Galvez nga ang pagpalapta nga nagasulubra ang job hire sang City Government ang makabig nga pagpangsabotahe lamang.
