ILOILO CITY – Magkatuhay ang panindugan nanday Iloilo City Mayor Jose Espinosa III kag Iloilo City Administrator Atty. Hernando Galvez tuhoy sa compormised deal nga ginduso ni Councilor Plaridel Nava agud nga maswelduhan na ang mga job hire sang City Government.
Sa interview sang Bombo Radyo kay Nava, Chairman sang Committee on Appropriations, iya ginpahayag nga nagpasugot na si Mayor Espinosa sa iya ginduso nga painan sang pondo ang sweldo sang mga job hire kabaylo sang pagbalik sang pangalan sang City Treasurer kag City Budget Officer bilang singatories sa job order.
Gilayon nga nagpasugot suno kay Nava si Mayor Espinosa tuhoy sa compromised deal apang lain naman ang panindugan ni Atty. Galvez.
Para kay Nava, wala man sang may ginlapas nga layi ang iya ginduso nga compromised deal bangud isa ini sa mga solusyon agud nga masolbar ang problema.
Ginpahayag man sang konsehal nga kasubong nga nagapamersonal lang si Atty. Galvez kanday City Treasurer Jinny hermano kag City Budget Officer Ninda Atinado.
Kinamatarong man nanday Hermano nga kag Atinado suno sa natungdan nga magpirma sa job order sang mga job hire.
Kun indi man mahisayran suno kay Nava ang tuhoy sa sweldo sang mga job hire, pat-ud suno sa iya nga may yara sang makasuhan.
