ILOILO CITY – Ginkastigo sang isa ka abogado ang 28 anyos nga kabulig sini sa sulod balay sa Bankers Village, Jaro, Iloilo City.
Ang kabulig ang ginkilala kay Jerlyn Araquil, tumandok sang Tapaz, Capiz.
Samtang ang abogado naman ang ginkilala kay Atty. Manuel Justiniane, 70 anyos.
Santu sa blotter report ni Araquil, ginpamangkot siya sang iya nga amo nga abogado kun ngaa kulang na sang duha ka mga manok nga inugbulang sini.
Ginsugo siya ni Justianiane nga pangitaon ang mga manok.
Ginsabat naman siya ni Araquil nga ang mga manok ang iya nga ginsaylo sa likod nga bahin sang balay sang iya nga amo.
Apang ginkakibot na lamang sang kabulig nga naakig ang iya nga amo ka ginsumbag siya sang makapila ka beses sa baba kag sa nawala kag tuo nga bahin sang iya nga nawong.
