Atensyon sa mga mahilig mag-selfie!
Ginatawag sang mga health expert nga “Selfitis” ukon ang masami nga pagselfie sang anom ukon masobra pa sa sulod sang isa ka adlaw ang isa ka simptomas sang chronic mental illness.
Ang nasambit nga pagtuon ang ginhimo sa Nottingham Trent University sa Thiagarajar School of Management sa India sa diin katuyuan sini nga hibaluon kun ano ang rason kun ngaa mahilig mag selfie ang pila ka mga tawo.
Nahibaluan na ang pag selfie ang isa ka pamaagi sa pagkuha sang tawo sang picture sang iya kaugalingon.
Una na nga nagguwa sa pagtuon sang American Psychiatric Association nga ang masami nga pagselfie kag pag-upload sini sa social media ang isa ka mental disorder.
Nagaguwa man sa ila nga konkluson nga ang selfie ang naga-ugat sa pagkakulang sang “self esteem” kag tikang para mas mabatyagan sang isa ka tawo ang ginatawag nga intimacy.
Sa pagtuon naman ni Dr. Nick Griffiths sang 1995, iya ginpahayag nga maabot ang tion nga madamo sang tawo ang malulong sa nagkalain-lain nga sahi sang adiksyon lakip na ang pag selfie.
