ILOILO CITY – Katungdanan sang mga government officials sa pungsod nga i-deklara ang ila nga Statement of Assets, Liabilities and Net worth (SALN).
Ini ang nangin pahayag ni Vice President Leni Robredo sa iya nga pagpadulong sa syudad sang Iloilo.
Sa interview sang Bombo Radyo kay Robredo, iya ginpahayag nga nagakadapat nga ibutang sa SALN ang matuod nga listahan kag balor sang mga manggad.
Suno kay Robredo, kinahanglan nga mangin patas ang layi apisar nga yara ka man sa mataas ukon manubo nga posisyon sa gobyerno.
Kun gina-silutan ang mga yara sa manubo nga posisyon dugang pa sang bise presidente, nagakadapat nga silotan man ang mga yara sa mataas nga posisyon bangud sa indi pagdeklara sang SALN.
Ang pagdeklara sang tanan nga ginapanag-iyahan sa SALN ang isa ka tikang agud wala sang ‘conflict of interest’.
