ILOILO CITY--Wala na aprobahan sa ginpatigayun nga sesyon sang Sangguniang Panlalawigan ang paghatag sang authority to accept kay Iloilo Governor Arthur Defensor Sr. agud batunon ang donasyon gikan sa World Food Program (WFP).
Ang nasambit nga donasyon ang ang ginalakipan sang mga gadgets nga kinahanglanon sang Provincial Disaster Risk Reduction Management (PDRRM).
Suno kay Board Member Demetrio Sonza maswerte ang Iloilo nga nahatagan sang kahigayunan kag napili bilang isa sa mga recipient sang kinahanglanon nga gamit sa disaster risk reduction sang probinsya.
Suno kay Sonza ang nasambit nga donasyon ang nagikan sa mga tawo sa nagkalain-lain nga pungsod kag ginahatag bilang bulig nga mga nagakinahanglan.
Pahayag pa niya nga wala siya sang may nakita nga rason kun ngaa indi pag-batunon ang ginahatag nga donasyon sang WFP bangud para man ini sa mga pumuluyo sang Iloilo rason nga nagakadapat hatagan na sang authority to accept ang gobernador.
Samtang ginpahayag naman ni 1st District Board Member Valentine Serag nga kilala niya ang mga katapo sang WFP bangud ang banwa sang San Joaquin ang isa man sa mga recipient sang programa.
Dugang pa niya nga may yara pa sang mga ginapangayo nga dokumento ang WFP kay PDRRMO Officer Dr. Jerry Bionat nga wala pa na-comply.
Luyag man niya nga makighambal sa katapo sang WFP.Nahibaluan nga nadesisyuna pinaagi sa 7 majority votes nga i-refer sa Commitee on Disaster Risk Reduction and Management ang may kaangtanan sa donasyon sang WFP.
